काठमाडौका नेवार समुदायले परम्परागत रुपमा मनाउंदै आएको गठामुग अर्थात घण्टाकर्ण पर्व श्रावण कृष्ण चतुर्दशीका दिन मनाइने पर्व हो । यसलाई घन्टाकर्ण चतुर्दशी पनि भन्ने गरिन्छ।
यो पर्वको आफ्नै विशेषता तथा महत्व रहेको छ। खराब आत्मा र प्रेत भगाउन विहानै देखि घरआँगनमा सरसफाइ गरेर राक्षसीस्वरुपको घण्टाकर्ण दहन गर्ने प्रचलन रहेको छ। राक्षसीस्वरुपको प्रतिकका रुपमा नर्कटवाट बनाइएको एक किसिमको लहरोमा राखेर नजिकको नदी किनारमा फालिने गरिन्छ।
यस पर्वको दिन राति घरको ढोकामा भूतप्रेत र दुष्ट आत्मावाट जोगिन फलामे किला गाडेर कालो भटमास, जाँड, मासु लगायतका खानेकुरा चढाउंदै धुप घरमा बाल्ने गरिन्छ। विभिन्न ग्रह तथा भूतप्रेतवाट बच्न फलाम र पञ्च धातुको औठी लगाउने चलन पनि रहेको छ।
